بين الماك بوك واجهزة الويندوز ماذا سوف اختار؟

بين الماك بوك واجهزة الويندوز ماذا سوف اختار؟


كثير من الناس تسأل شو اشتري ؟ ماك بوك او لابتوب بـ نظام ويندوز , واشخاص كتير بتنصح بالويندوز والبعض ماك بس شو الافضل من رأي الشخصي, بس قبل كرمال اختصر كتير امور , مافي شي اسمو افضل ! في شي اسمو انت شو الافضل الك , مناسب لشغلك ؟ مناسب للدراسة ؟ حياتك الشخصية ؟


قبل البدء اجهزتي الشخصية هي :

MacBook Pro 2017  

 Alienware – Windows

 PC -Core i5 – Windows 

في العمل :

 HP – core i7 – 8Gb ram – Windows 

Toshiba – core i3 -4 gb ram – Windows 

PC Core 2 Duo – Windows

يا جماعة جميع هذه الاجهزة هي ملكي الخاص وليش عم اعرضها ؟ رح تعرفو   .


لما نحكي عن اختيار بين ويندوز والماك , يعني عم نحكي عن نظام اكثر من النوعية والسعر  , لأنو اجهزة ابل في النوعية والسعر حدث ولا حرج , نوعية  هي الرقم واحد و السعر اكيد عالي  ,والنظام بس متوفر على أجهزتها  على عكس الأجهزة التي تدعم الويندوز يلي في اكتر من ١٠ شركات موجودة بالسوق مثل : 

Toshiba – HP – Lenovo – Acer – Dell – Asus 

جميعها تدعم الويندوز والاسعار تبدأ من ٢٠٠ $ وصولاً الى ٣٠٠٠ $ حسب طبعاً النوعية والمواصفات 

طيب يعني هون لازم نعطي النقطة الايجابية لمين ؟ 

اكيد لأجهزة الويندوز يلي اي شخص ممكن يشتري لابتوب بلا ما يسحب قرض من البنك . 


ملاحظة خاصة : 

في كتير اشخاص متعصبة ممكن يكون التعصب طائفي , ديني , سياسي وما أكثرهم في بلادنا وخصوصاً بلدي الحبيب لبنان , طيب شو خص هيدا الحكي بموضوعنا ؟ 

صدقوني يلي رح احكي واقع !  في ناس متعصبة تكنولوجياً , جماعة ايفون , جماعة سامسونج , هواوي , بتحس بس يحكي معك ويدافع عنهم بتقول عم يدافع عن خيو مش مجرد قطعة ! 

طيب ؟ كمان بعد ما فهمت ؟ كفي شوي معي … 

بتعرفو كمان انو في نسبة كتير كبيرة من  جماعة ابل بيشترو ايفون او اي جهاز تابع للشركة  كرمال المظاهر ؟ انو انا معي جهاز غالي !! وهوي بكون مش فهمان شي منو واساساً ما بيستعمل المميزات الي فيه , بس هيك  . 

حلو الكلام انا الفكرة يلي رح وصلها عن خبرتي الشخصية مع هذه الأجهزة  , وانا شخص مش متعصب ولا بحب المظاهر .


النظام

 ويندوز : اكيد كل العالم بتعرفو من ايام ويندوز ٩٥ وصولاً  ويندوز ١٠ ، وهو أكثر انتشارا حول العالم ويمكن تنزيله على اى كمبيوتر حتى الماك نفسها .

الماك : نظام مقدم من شركة المعروفة ابل ، نظام قوي مبني على لينكس ، وهناك عدة اصدارات وصولاً إلى Mojave حالياً .

ما بدي كتر حكي هيدى تعريف صغير وحالياً رح احكي رأي الشخصي .

 كتير من الاشخاص بتفضل الويندوز عن ماك ، لكثرة البرامج والالعاب، وسهولة التحكم فيه  ، يعني فيك تعمل كل شي ، عكس نظام الماك يلي من صعب التحكم فيه . 

يعني هون رح نعطي كمان نقطة ايجابية للويندوز ؟ لأ 

النقطة هون رح اعطيها للماك 

انا شخصياً بهمني اشتغل على نظام ما يوجعلي راسي كل شوي ! من فيروس او اختراق ومشاكل Update  وما أكثرها في الويندوز , ويهمني ايضاً السلاسة يلي ماك بتتميز فيها , وايضاً انا عندي ايفون وايباد يعني رح اقدر اتحكم اكتر واكتر ب اجهزتي .

بس لحظة ؟ انا حكيت عن اجهزة ابل بس لو كان معي اجهزة سامسونج او اي جهاز اندرويد رح يناسبني ؟ الجواب لا ! 

يعني النظام كـ رأي شخصي واستعمال شخصي بفضل الماك !! 


الحماية

نظام الماك مستحيل اختراقه ؟

في حقيقة الأمر ما في شي اسمه مستحيل اختراق الماك , ما في نظام محمي كلياً بس الماك هو الأفضل في الحماية من الويندوز وبالطبع لأنه هو نظام من لينكس , والويندوز اي شخص ممكن يخترقوا ! او بدك تشتري Anti Virus وتشترك سنوياً مع العلم ان شركة مايكروسوفت تشتغل ليل نهار على الحماية الخاصة بويندوز ١٠

يعني نقطة لمين ؟

ما في حدن ما بحب الحماية , شخصياً انا بهمني كتير هالنقطة لكثرة شرائي من مواقع الانترنت 

يعني الماك افضل بكثير بالحماية  , النقطة للماك .


البرامج 

 احسن إيجابية في الويندوز  هي كثرة البرامج المتوفرة  ، اي شي ممكن يخطر على بالك موجود ، وشخصياً ما فيي اتخلى عن بعض البرامج الخاصة يلي ما يتنزل غير على الويندوز مثل برامج المحاسبة والبرامج الخاصة بـ CCTV وطبعاً برامج الخاصة بالبرمجة مثل Visual Studio  والكثير الكثير 

نوعية  البرامج في الماك هي  رقم واحد بالمونتاج مثل برنامج Final Cut Pro وايضاً للبرمجة مثل برنامج  XCODE والجميل أنه يوجد متجر خاص للبرامج منظم  ولكن …. ما في كل شي !! 

النقطة هون للويندوز .


الألعاب 

لمحبي الالعاب  لن يعجبكم الماك , فهو ليس لعشاق الالعاب ابداً ابداً وما رح كفي أي تفاصيل اكيد النقطة للويندوز 


بعض الايجابيات والسلبيات : 

اكيد  كمان في كتير ايجابيات للماك مثل ميزة AirDrop اللي بتخليك تبعت اي ملف من ايفون الى الماك في ثواني 

إيجابية الوزن  والحجم هي الاروع في اجهزة الماك 

البطارية رقم واحد وما في اي لابتوب جربتو عطاني نفس قدرة البطارية يلي موجودة بالماك 

ما في منافذ لا USB ولا HDMI  ولا شي !! بس Type -C وهاي شغلة سلبية كبيرة يعني لازم اشتري وصلات وتحويلات ب ١٠٠ $ واكيد طبعاً ما في DVD يلي هيي اساساً رح تنقرد قريباً بجميع الاجهزة في العالم .

سعر الماك متل ما حكيت مبالغ فيه  , مثلاً Macbook Pro 2017 يلي صار عمرو اكتر من سنتين حقو فوق ١٢٠٠ $ 


الخلاصة : ما الافضل ؟؟؟ 

متل ما حكيت ب اول الموضوع  انت شو  الافضل بنسبة الك ! انا عندي اكتر من ٤ أجهزة ويندوز ! ما فيي عيش بلا ويندوز اكيد , بس كمان انا ما فيي اتخلى عن الماك ولما سافر اكيد صديقي المفضل هو الماك وفي العمل حبيب قلبي مين ؟ اكيد الويندوز  يعني ما في فايز معنا اليوم . 


جماعة لينكس خليكم على جنب .

ALI STOUHI

26 years old lebanese guy who is the founder of "ComputerLB" Website. Having a deep inclination towards computer technology and the internet, he is specialized in Cisco networking. His aim is to spread the tech info in the middle east region, specially in lebanon