Dark Web دخلنا إلى

 تجربتنا مع Dark Web


قبل البدء ملاحظة : الموضوع مش لعبة وممكن تنحبس او تدمر حياتك .

لما نحكي عن الانترنت المظلم او Dark Web شو يعني ؟ كتير اشخاص ما بتعرف وما بدها تعرف ، في كتير فيديوهات ، افلام ، قصص … عن الموضوع … بس سؤال : معقول الموضوع كتير خطير ؟ وكيف رح ندخل هالعالم ؟ رح نحكي كل شي تابعونا ..


ما هو Dark Web

الحكي الثقافي من جوجل :

‎الدارك ويب هو جزء من الانترنت محتواه غير متاح للعامة يعمل وفق سياسة متناقضة في الخصوصية حيث أن أي أحد على علم بالمواقع ضمنها يمكنه الولوج لها و لكن لا يمكنه معرفة هوية القائم على الموقع أو مكانه. فهو يتخفى على مرأى النظر!

الحكي الغير الثقافي من موقعنا :

ما بدنا نضحك على بعض .. في اشخاص ممكن تستعمل Dark Web للحماية الشخصية، بدو يعمل ابحاث بلا ما حدن يعرف شو عم يعمل ! خصوصية تامة ، حقو … بس نحن ما رح نحكي عن هالناس ، رح نحكي عن قصص اخطر .


مش كل شي ممكن يشترى على الانترنت … 

صحيح ، بس مع Dark Web كل شي مستحيل ممكن ، شو بدك تشتري ؟ 

سلاح

مخدرات

ممنوعات على انواعها ؟

ضمير ناس ؟

أعراض الناس ؟

لحظة ؟ بس هيك ؟

اكيد لأ ، فيك تشتري كل شي بيخطر على بالك … اي شي … قاتل مأجور ؟ فيك تشتري ..

تشتري بنت ؟ ولد صغير ؟ 

فيك

يمكن البعض منكم مصدوم او مش مصدق أو مفكرني عم بالغ …

ابداً بس نحن اليوم موضوعنا للتوعية ورح نحكي قصص صارت معنا ونحن عملنا هالقصص بلبنان بس كرمال نوعي العالم ، والموضوع عم نشتغل فيه اكتر ٣ اشهر .

بعض الاشخاص منكم رح يقول : طيب صح يلي عم تحكي بس هالقصص بتصير بس برا لبنان ، يعني أوروبا ، روسيا ، أمريكا …. غلطان ، تابع وشوف شو صار معنا.


معلومات بسيطة قبل البدء : 

لتدخل إلى Dark Web يجب ان تستعمل متصفح اسمه Tor من خلاله لا يمكن لأي لأحد ان يعرف اين انت او من اي بلد .

المواقع الخاصة بـ Dark Web لا يمكن فتحها من خلال الانترنت الخاص فيك ، فقط عبر Tor .

مواقع Dark Web هي بسيطة جداً ولكن مفعولها كبير .

جميع مواقع Dark Web تنتهي بـ .onion ويكون الدومين غير معروف مثلاً : 

shuehehejehebejeje.onion

مواقع Dark Web 

يوجد الاف من المواقع ولكن كل فترة يتم توقيفها وعمل غيرها .

الشراء من مواقع Dark Web طبعاً ليس عبر بطاقتك الخاصة بل عبر عملة Bitcoin ويمكنك شرائها من عدة مواقع .


بعض الصور والتفاصيل ما فينا ننشرها . 

اول مرحلة :

  • شراء عملة Bitcoin 
  • لاب توب ما بدك ياه وما في اي شي ابداً ابداً 
  • تغطية الكاميرا 
  • يفضل ان يكون الانترنت مش من بيتك 
  • متصفح Tor

وهلق صار لازم نجرب صح ؟ صحيح بس خلينا على الخفيف 

دخلت الى موقع 

the hidden wiki 

رح يعطيك اهم مواقع Dark Web 

فكرت هيك شوي ، شو لازم اشتري شي خفيف ؟

استأجر هاكر يسرق فيس بوك ؟ فكرة حلوة 

كانت الخدمة حقها تقريباً بـ دولار ٢٠$  وفي مواقع اغلى  حسب نوع الخدمة , عملت Fake Account على فيس بوك وتم ارسال الحساب والدفع 

تقريباً بعد كم ساعة عمل ادد للحساب من حساب اكيد وهمي وعملت Confirm واكيد صار يحكيني وعلى أساس بدو يتعرف وهيك واكيد بتعرفوالباقي

حلو الكلام … بدنا شي اقوى …


ليش ما بشتري بطاقة mastercard حقيقية ؟ 

شو عم تحكي ؟ 

يعني مسروقة ؟ 

صحيح ، مسروقة وانت بتحط البلد يلي بدك ياه , في بلبنان بطاقات مسروقة ؟ كل شي موجود 

تم شراء بطاقة مسروقة من أوروبا وفيها تقريباً ١٢٠٠$ تم شرائها بـ30$ 

رح يعطوك جميع التفاصيل البطاقة من اسم الكامل والرقم وكل شي … 

طيب بس انا هدفي اكيد مش سرقة , هيي التوعية مش اكتر وتم تجربتها من Account جوجل وهمي وشراء لعبة بـ ٢$ فقط وبالفعل !!! تم شراء ! 

واكيد فيني اشتري كنت بقيمة تصل حتى لـ ١٠٠٠$ 

بس خلص حذفت كل شي مع البطاقة ….

( ملاحظة : انا شخصياً تم بيع بطاقتي البنكية في لبنان  الاثنين في هذه المواقع ! بسبب موقع لبناني وحكيت عن الموضوع من فترة . للدخول الى الموضوع


خلينا نكفي ؟ بدنا شي اقوى …. بس انتبه … انت حالياً عم تعمل قصص غير قانونية …

شو لازم اشتري بعد ؟ في كتير قصص …. 

كتب شرح عن كيف تسرق سيارة ، بيت ، ايميل ، وايرلس ؟ 

مصاري مزورة ؟ 

ما بهمني …. 

طيب ، في صديق كان مسافر على بلد ، وكنا عم نمزح سوى ، وقال بدو يروح يسهر وما يخلي شي الا ما يعملو ، يعني شاب وعايش حياتو … 

وحكيت معو وخبرتو اذا بدك بعرف شخص بيقدر يظبطلك احلى بنت … 

وتم الدخول الى Dark Web ودخلت الى موقع خاص ويوجد فيه قسم تحت عنوان escort girls وفيك تطلب اي بنت من جنسية يلي بتختارها وبتوصل لعندك !! Delivery الصدمة مش هون ، الصدمة انو ممكن تجي على لبنان ، بس للصراحة ما كملت الموضوع مع الموقع لأنو طلب مبلغ كبير اكتر من ١٠٠٠$ لليوم الواحد …

 

طيب ممكن اطلب مخدرات ؟ نعم ممكن … 

بيوصل على لبنان ؟ … 

في ملاحظة من موقع بيحكي : اذا كانت الكمية كبيرة ممكن توصل على اي بلد في العالم على بيتك !!! 

اكيد ما جربنا هالشي


فيك تشتري سلاح كمان بس نحن بلبنان ليش وجع الراس اذا فيني اشتري من هون …

بس لحظة ؟ الموقع نفسو بخبرك فيك تشتغل معهم وتبيع مخدرات عبر موقعهم و بتاخد نسبة !

بس الصدمة كمان مش هون شفت اعلان عبر متجر ورح تجرمو على طريقتي : 

“مزعوج من حدن ؟ عندك طار مع حدن ؟ 

خلص بعطيك الحل ، ليش ما بتكسرلو اجرو ؟ طيب ليك ! ليش ما بتقتلو وتخلص منو ؟ 

، بدك تستأجر قاتل مأجور ! “

مفكرني عم بالغ ؟

فيك تشتري قاتل مأجور وما رح احكي كتير تفاصيل ، بس الاسعار من ١٢٠،٠٠٠$ وطلوع مع دفع جميع التكاليف من اقامة ونقل …. 

خطف ، وابتزاز ، حبس .

بلد عربي تم استعمال الحكومة فيها Dark Web وتم افتراء على صحافي ! استأجروا هاكر وهيدى الهاكر زرع ملفات على الحاسوب الخاص بالصحفي (تخطيط لعملية اغتيال أحد الشخصيات في هذا البلد ! ) وتم اعتقاله واعدامه ! 

الجنس

وطبعاً هناك نقطة مهمة وهي الجنس !  يمكنك دخول الى موقع خاص لمشاهدة افلام اباحية خاصة بالاطفال اي اطفال تحت عمر ١٢ سنة ! وايضاً بعض المواقع تقدم لك خدمة التحكم , تستطيع التحكم ب اي مشهد تريده . 


الخلاصة ونصيحة 

 الانترنت مش لعبة ,  مش بس فيك تفوت على الفيس بوك و تحضر كم فيديو على اليوتيوب , بكبسة زر ممكن تضيع مستقبلك وحياتك كلها , نصيحة ما حدن يجرب يفوت هالعالم اذا فكرك ممكن تتهرب من الدولة فيك بس ما فيك تتهرب من ربك 


واكيد واخيراً نشكر القوى الامنية وخصوصاً قسم الجرائم المعلوماتية في  فرع المعلومات يلي هني دايماً بالمرصاد لتحميك . 

ALI STOUHI

26 years old lebanese guy who is the founder of "ComputerLB" Website. Having a deep inclination towards computer technology and the internet, he is specialized in Cisco networking. His aim is to spread the tech info in the middle east region, specially in lebanon